Dizionari de Lenghe Furlane

a titul personâl    [CO]

1. loc.av. tant che individui, cence rapresentâ altris:  si son presentâts i rapresentants da la Dieta Provinciâl di Guriza, il Municipi di Guriza, il Municipi di Udin, […] 16 studiôs e rapresentants da municipalitât e di associazions di Guriza, 9 di chê di Udin, 2 di chê di Triest, oltre ad altra int che ti jara vignuda a titul personâl (Luciano Spangher, Nassita da la Filologjica); o pensi di podê fevelâ no dome a titul personâl ma ancje a non di ducj chei - e a son tancj - che, come me, a àn viodût, e ancjemò a viodin, in Gianfranco D'Aronco un mestri (Sergio Cecotti, D'Aronco, mestri e spieli di un Friûl che nol vûl molâ)

Components:

• personâl adi., s.f., s.m.
• titul s.m.