Dizionari de Lenghe Furlane

a salts    [CO]

1. loc.av., loc.adi.inv. saltant, fasint salts:  a butin vie i argagns che a vevin in man: il fusîl, lis gjibernis e la baionete. E vie a salts sui crets tant che cjamoçs, butantsi tai cisons, riparâsi in sumis (Alan Brusini, I ribei)
   
   1. cun moviments iregolârs:  al montà dentri [in machine] e al provà ducj i botons. Cjatât chel just, al fracà sigûr e al partì, a salts (Antoni Beline, Pre Pitin)
   2. (fig.) cun moviments svelts:  a lassarin stâ dut, a jemplarin sachis e sportis di mangjative, a corerin tai orts a lidric cul poc, e sù a salts sul çuc di Fabro (Meni Ucel, La "Fieste dai Roncs")
      Sin. di buride , di corse
2. loc.av., loc.adi.inv. cuntun disnivel, cuntune diference di altece che e va daûr di une forme come di scjalins:  chei roncs che a levin jù a salts incuintri ai cjamps gras slargjâts te planure (Pieri Menis, Sul agâr)
3. loc.av., loc.adi.inv. in maniere discontinue, iregolâr:  il çurviel no je vere che no lu ai. Lu ai, ancje se disìn che al funzione un pôc a salts e a faturis (Raffaele Serafini, Contis sot spirt)

Components:

• salt¹ s.m.