Dizionari de Lenghe Furlane

a plasê    [CO]

1. loc.av., loc.adi.inv. daûr di ce che si vûl e che al plâs:  tal gnûf ambient, il cjalt e il frêt a àn piardût la lôr impuartance e la lôr funzion, par vie che cui argagns di cumò si rive, a plasê, a scjaldâ la criùre e a inglaçâ la canicule (Riedo Pup, I furlans e la mode)
2. loc.av., loc.adi.inv. cence indicazions precisis di cuantitât, durade e v.i.:  dopo finît di cuei, zontâ di sâl e formadi latarie gratât a plasê (Giorgio Pascoli, Il Litum: jerbis salvadiis te cusine)
   
   1. cence limits o in ogni câs in cuantitât cussì grande di jessi plui che avonde:  e si à vût di rinfresc / del bon vuardi todesc, / grant rati, grant cevole, / fuiace di sorturc di paste frole, / pitiniç e patatis a plasê, / cualchi altri no sai ce (Pieri Çorut, Il festin di fameie)
      Sin. tant che si vûl , fin che si vûl , fin che si à voie , tant che si à voie

Components:

• plasê¹ v.intr.