çampe
çam|pe
[FO]
-
s.f.
man contrarie ae diestre, che te plui part de int e je mancul fuarte e mancul precise:
[il pitôr] al tignive la bree cui colôrs te diestre e il pinel te çampe (Roberto Ongaro, Cretevierte)
Sin. man çampe
Var. çanche
-
s.f.
direzion contrarie ae diestre:
a diestre e a çampe di Pauli, no tancj metris lontans di lui, a jerin siei compagns, in vuaite ancje lôr, armâts di metraiutis (Agnul di Spere, Cjalant la rive);
la machine e veve sbandât a çampe e e jere finide fûr strade, pôc prime dal casel (Gianfranco Pellegrini, Cidulis)
Sin. man çampe
Cfr. fûr
-
s.f.
intun orghin rapresentatîf, lis sentis che a stan a çampe dal President, in gjenar tignudis des fuarcis politichis progressistis, e i rapresentants che a àn li il lôr puest:
Gusto Masin a non de minorance al domandà la peraule […] "La çampe" dissal Gusto "si asten dal votâ par no votâ cuintri […]" (Dino Virgili, La aghe da pît la cleve)
-
il complès des fuarcis politichis, dai indreçaments, des ideis e ideologjiis progressistis, socialistis, comunistise v.i.:
prime a jerin cuintri la autonomie chei de çampe , par une sole reson: che la autonomie e jere favoride de Democrazie Cristiane (Josef Marchet, Cuarde e savon)
-
part plui progressiste di un moviment