zup1
zup
[CO]
-
s.m.
moviment che si fâs distacantsi dal dut de tiere, o di dulà che si è, par tornâ jù tal stes puest o inaltrò, ancje su di un plan plui alt o plui bas:
[la 'save] cu la sô panze sglonfe e va indenant / a zups là che si cjate; e cîr ombrene (Pieri Mation, La 'save);
e faseve zups cussì alts che i scomparive par aiar (Josef Marchet, Il ciclist e lis balarinis)
Sin. salt
, sbalç
-
s.m.
[CO, TS]
entom.com.
non comun di speciis diviersis di insets dal ordin dai Ortotars, famee dai Acrididis, cu lis sgripiis daûr lungjis, e bogns di saltâ e di svolâ:
[cul velen] si fasiur guere a lis surîs, a lis furmiis, ai zups e zupets, ai grîs, ai grisons e ai cais (Emilia Baldassarre, Ort e cusine);
zups a saltin di un fros a di chel ati (Laura Nicoloso, Aghe sute aghe bagnade)
Sin. zupet