vitorie
/-ò-/
vi|to|ri|e
[AF]
-
s.f.
risultât di cui che al vinç intun confront, intun scuintri, intun zûc e v.i.:
rievocazions di vueris, di bataiis, di vitoriis, di batostis (Riedo Pup, Il partît dai zovins coscrits);
tancj soldâts no crodevin te vitorie e a jerin stufs di sacrificis e di chel esercit disorganizât (Checo Tam, La vuere di Checo);
lis elezions scozesis a son stadis di pôc, cu la vitorie dal SNP (Scottish National Party) che al à concuistât la maiorance assolude tal Parlament (Dree Venier, Locâl globâl pe Scozie);
cun cinc vitoriis, une pate e une sconfite su siet partidis i blancs e neris si cjatin a cuote 16 e a vuadagnin posizions in classifiche (Marc Stolf, Udinese - Inter 3-1)
Cfr. sucès
, trionf
-
(fig.)
risultât positîf otignût ancje in alc che nol è par fuarce une competizion:
cualchidun mi disè: "Viodistu che il Moviment Friûl al à otignude une grande vitorie di ce che ti sta a cûr a ti". Ma a mi chest trionfalisim tal Moviment mi leve une vore di traviers. No che no des une cierte impuartance a chel emendament: alc al jere alc e nuie al sarès stât nuie (Adrian Cescje, Memoriis di politiche linguistiche)
Proverbis:
- cui che al vinç se stes al fâs une grant vitorie
- la vitorie e je nemie de vuere, il scomençâ de pâs