vintri
vin|tri
[CO]
-
s.m.
part esterne e orghins internis dal cuarp che a son jenfri il pet e il bacin:
podê a nestri cost emplâ lu vintri (Anonim, La sente crôs, la Ave, il Pater noster);
dut il cîl, la tiare dute / benedissin il Signôr / che dal vintri di Marie / l'è nassût par nestri amôr (Zuan Batiste Galeri, Oh, ce sere benedete!)
Sin. panze
-
s.m.
(fig.)
part di alc che si pues calcolâ sglonfe o ingjavade o che e pues vê un contignût:
la petroliere sore il grant vintri neri e veve arbui di açâl blancs, e il grant cjamin ros e turchin a fassis (Agnul di Spere, Int no consumade);
lis ploiis aromai a vegnin filtradis dal vintri cjalt de tiere e a nudrissin lis semencis (Mario Martinis, Il grant lunari dal Friûl. Fevrâr)
Sin. panze