vetrine
/-ì-/
ve|tri|ne
[AF]
-
s.f.
mobil, pal solit de cusine o de sale, cun portelis a veri, li che si puedin tignî diviersis robis, in particolâr cjicaris, platuts, tacis e v.i., pal solit di bielece:
i plasevin lis tacis di vêr cristal metudis in rie te grande vetrine di noiâr (Pieri Menis, Si disarès che e je inventade);
nissun si vise di lôr, che no ur reste altri che nol sedi il ricuart in cualchi fotografie impirade intal veri de vetrine (Gianni Gregoricchio, Trê feminis)
Sin. credince2
-
s.f.
part de buteghe, che si pues viodi dal difûr, li che a vegnin tignudis in mostre lis marcjanziis che a son a vendi:
o viôt za la vetrine iluminade dal tabachin (Francesca Gregoricchio, La dentiere pierdude);
a ogni vetrine che al passe denant si cjale denti, si juste la vite e al da une pacute al cjapiel (Garibaldi Delli Zotti, Il coscrit)
Sin. mostre1
, mostre di buteghe
-
lastron di veri che al pare chê part de buteghe
-
s.f.
(fig.)
manifestazion, ocasion, lûc, realtât e v.i. che a dan visibilitât, che a permetin a alc o a cdn. di jessi cognossût:
[Radio Onde Furlane] je stade la prime radio che o ai scoltât, la prime vetrine pe musiche che o fâs e par un grum di musiche alternative (Max Mauro, Un Friûl difarent: i 90 mhz di Onde Furlane)