Dizionari de Lenghe Furlane

veglece  /-glè-/  ve|gle|ce  [CO]

1. s.f. cundizion di cui che al è indenant cui agns, etât che e je dongje de fin naturâl de vite, in gjenar caraterizade dal lâ al mancul di fuarce e capacitâts:  pôre de veglece di frontâ cence nissun vicin (Roberto Ongaro, Il muc)
2. s.f. complès, cuantitât, categorie des personis indenant cui agns:  chei che a crodin di intindisi a berlin che la veglece e va rispietade e amade (Franca Mainardis, Aiar di cjase)
   Sin. vecjaie
3. s.f. ancje di alc di inanimât, il vê tant timp, il jessi stât fat di tant timp:  al faseve fente di interessâsi su la veglece dal mobil [une panarie], cjalantle e tocjantle par dret e par ledrôs (Roberto Meroi, I Stramps)
   Sin. vecjaie

Proverbis:

• agnul in zoventût, diaul in veglece
• cui che al lavore in zoventût al gjolt in veglece
• cui che al rît in zoventût al vai in veglece
• disordin in zoventût, stentâ in veglece
• la veglece al è un mâl che si desidere
• la veglece e je fastidiose
• la veglece e je une malatie tant al è vêr che si mûr
• no je vencjarie cence furmiis, no je veglece cence duliis
• zoventût oziose, veglece bisugnose