vee
/vè-/
ve|e
[CO]
-
s.f.
cundizion di cui che nol duar, che al è sveât:
tra sium e vee, o sint un darpedâ lizêr tra lis dôs filis di jets e un cisicâ sot vôs dongje dal me (Pieri Somede dai Marcs, Une lûs celestine…)
Sin. vegle
Var. veie
-
s.f.
timp, soredut di gnot, passât cence durmî:
oh timp vivût / al soreli, tai cjamps o su la grave / dal Taiament o, cuant che tache il crût, / in vee, la sere, a sgragnelâ la blave! (Ercole Carletti, La Ave)
Sin. vegle
-
timp, soredut di gnot, che si sta dongje di cdn. che al sta pôc ben e si viôt di lui
-
rituâl tradizionâl par un muart, che si fâs in cjase la gnot prime dal funerâl, disint preieris o formulis di corot e dant bon acet a amîs e cognossints che a vegnin a dâ l'ultin salût:
al faseve displasê ancje il fat che ae viele a vevin butât la aghe sante e impiât la vee, tune cjase foreste (Maria Forte, La tiere di Lansing)
-
s.f.
dì e sere prime di une fieste religjose:
no jere lontane la vee dai muarts, che tornin fûr di sepulture par lâ a fâ visite tes lôr fameis (Giovanni Gortani, La teme - Une gnot intun cjastiel)
Sin. vilie
, vegle
-
dì o sere o timp che al ven prime di un acjadiment:
la vee de sô partence, sul scurî, di bessôl, al tornà a viodi i lavôrs (Lucio Perès, Il mâl dal mûr)
Proverbis:
- vuê la vee, doman la zornade
