trupe
tru|pe
[AF]
-
s.f.
ancje tal pl., complès organic di fuarce militâr:
lis trupis talianis a jerin scjampadis di buride, passant sul puint di Pinçan che al jere inmò in pîts e che al fo fat saltâ subit dopo par fermâ il nemì (Roberto Ongaro, Il muc);
da spes sucêt il câs, che ancja la plui buina trupa, sei par propria colpa, o vêr par fuarça maiôr, o par cualchi altri acident infavorevul, a ven batuda e mituda in disordin (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
complès dai soldâts sempliçs e dai graduâts di une unitât militâr, fûr che sotuficiâi e uficiâi:
i Uficiâi che erin dacordo di una resa cussì perfida, vegneran impicjâts come infams, e ancja la trupa se fos colpa di chist, sarà decimada (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
lui nol jere supierbeôs e nasic come chei altris uficiâi, che a consideravin la trupe come di nivel inferiôr, buine nome par mandâle a maçâ sui fronts des vueris (Carlo Sgorlon, Il dolfin)
-
s.f.
(fig.)
grande cuantitât di int, tantis personis:
Rusute je cu li frutatis, cun chê arie di frutute si cjale di ca e di là contentone, ti vualme li trupis dai zovins cun chei voglons che disin "mangjimi" (Dolfo Zorzut, La furlane)
Sin. fole1
, frote
, fulugne
, schirie
, sdrume
