Dizionari de Lenghe Furlane

travuart  /-àrt/  tra|vuart  [CO]

1. s.m. linie che e segne la fin di une gare o di un percors:  alì e jere la linie di partence e il travuart [de corse di cjavai] (Eugjeni Marcuç, Liende a Sant Zuan); cuant che la scuadre dai coridôrs di Tresesin e rivave al travuart tes sagris dai paîs, li nol jere plui nissun (Alan Brusini, I coridôrs di Tresesin)
   Var. traguart
2. s.m. (fig.) risultât che si vûl otignî:  une lenghe minorizade e cence alfabetizazion e fâs di sigûr plui fadie a produzi romançs, mentri che lis contis a son un travuart plui facil (Raffaele Serafini, No varès di jessi une cuistion di misuris)
   Sin. obietîf¹