tos
/-ò-/
tos
[AF, TS]
-
s.f.
med.
sindrome caraterizade di contrazions improvisis, dispès ripetudis, che a sburtin fûr l'aiar des viis respiratoriis:
ogni tant ai une tos che mi scjafoi (Pieri Çorut, Il Strolic mezan. Pronostic par l'an 1855);
e voleve fumâ ancje se no jere buine e si faseve vignî la tos ogni volte che si impiave un spagnôl (Jolanda Mazzon, Di là de rêt);
al veve spalancade la bocje par rispuindi, ma la tos lu veve lassât sence vôs e scuasi sence flât tai polmons (Mario De Apollonia, Il timp par ledrôs);
"Bêf chest brulè; i ai metût dentri un tic di canele e un biel pôc di zucar, ti smolarà la tos" (Pieri Somede dai Marcs, Un pugn di moscjis)
Polirematichis e espressions idiomatichis
Proverbis:
- ducj i pulçs a àn la tos
- l'amôr, il fûc e la tos prest si cognòs
- ni la tos ni l'amôr no stan scuindûts
- tos e amôr si pandin di bessôi