todesc
/-èsc/
to|desc
[FO]
-
adi.
de Gjermanie, o in sens plui larc di cualsisei teritori di lenghe todescje:
o partìs par un viaç intune citât todescje de ex DDR: Leipzig (Checo Tam, La maree nere);
tra il 1524 e il 1526 lis vueris contadinis a savoltin i principâts todescs, là che daûr des insurezions si incrosin motivazions sociâls e religjosis (Carli Pup, Il Friûl de Joibe Grasse dal 1511)
Var. tadesc
-
s.m.
dome sing. cun valôr coletîf, i paîs di lenghe todescje:
agns a dilunc, simpri cussì e la sô vite voltade in malinconie. Trops? Cuatri… cinc… sîs. Jê ca e Brôs simpri lontan a remenâsi tal todesc (Maria Forte, Varc di confin);
la coriera, che rivava tal joiba jù dal todesc (Ranieri Mario Cossâr, Il sechin tal font dal sac)
Cfr. Gjermanie
, Todescjarie
-
adi., s.m.
che, cui che al è nassût o al è a vivi in Gjermanie, o cun concet plui larc, in cualsisei teritori di lenghe todescje:
[il Friûl] al à vût dominadôrs todescs, francês, venezians, e il popul al à conservât il so furlan (Josef Marchet, Un element fondamentâl dal moviment autonomistic);
[il stât talian] al à di dânus il dirit di comerciâ cui fradis slovens e todescs, che o sin stâts plui di mil agns insiemi (Francesc Placerean, Di ducj i dons dal Spiritussant, cumò al covente il don dal coragjo);
i todescs a mandavin tradotis di int in Gjermanie come besteam; e i fassiscj talians a torturavin i furlans tes presons (Alan Brusini, Alpin jo mame!);
e jere nassude a Viene, siore Taresie: e jere une todescje educade, fine! (Pieri Menis, Il «pigjama»)
Cfr. muc
, taicj
, tatuc
, patatuc
-
adi., s.m.
[FO, TS]
ling.
lenghe gjermaniche ocidentâl, fevelade plui di dut in Gjermanie, Austre e Svuizare e in diviersis comunitâts in Europe e tal mont:
Martin Lutar al à voltade la Biblie par todesc (Adrian Cescje, Memoriis di politiche linguistiche);
al veve cirût di fevelâ cun jê, e al veve capît che nol saveve avonde il todesc par podê resonâ cuntune femine su ce che lui e jê si spietavin di cheste vite (Agnul di Spere, Frêt)
-
chê lenghe e leterature tant che materiis di insegnament:
[i "gjenitôrs pal bilinguisim"] cuntune vore di fature e determinazion […] a àn sfuarçât il sisteme de scuele materne taliane par fâ jentrâ ogni dì une ore di todesc (Franc Fari, Il cjâf dai furlans)
Polirematichis e espressions idiomatichis