tesaur
/-à-/
te|saur
[FO]
-
s.m.
robe o cuantitât di robis di grant valôr:
a disin che [Atile] al sedi muart chi e che par sepulîlu il so esercit al vedi disviât un flum, metint tal so jet une casse di aur, cul cuarp di Atile, une casse di arint, cul so tesaur, e une casse di fier, cu lis sôs armis (Sandri Carrozzo, Friûl di Magance);
"Contaitmi cumò, Zuan, chê dal tesaur che al leve a cirî sot tiere" (Pieri Menis, Lis leiendis di Buie)
-
s.m.
robe di valôr di une glesie o di un santuari:
i domandin al predi il tesaur de glesie e i pontin il revolvar su la muse (Alan Brusini, Come tai romançs)
-
stor.
complès des ufiertis di valôr di fedêi o i avôts di vitoriis militârs tignûts tun templi
-
edifici o part di edifici sacri destinât a tignî chês richiecis:
sul fronton dal Tesaur dai Sifnis e je rapresentade in basrilêf la dispute tra Apol e Eracle (Adrian Cescje, Viaç aes origjins dal Logos)
-
s.m.
complès dai valôrs de comunitât sot de aministrazion publiche
-
ministeri dal tesaur:
l'articul al finìs visantnus che, se il tesaur al ves di decidi di no paiâ, al sarès un disastri (Riedo Pup, Cinccent a la volte)
-
s.m.
(fig.)
cualsisei robe, persone, cundizion e v.i. che si tegnile di grant valôr:
o soi convinte che ogni esperience umane, cun ducj i siei lusôrs e dutis lis sôs ombris, e sedi un tesaur di dividi cul prossim (Gianni Gregoricchio, Trê feminis);
fâ in mût che cheste visite ur lassi une buine memorie no baste dai nestris tesaurs di art (Zuan Lurinçon, La Madalene);
i tocje parfin di platâ la zelosie par chel zinar, aromai un dai lôr, che i puarte vie la sô frute, il so tesaur (Cristina Noacco, Faliscjis);
[gno pari] al jere inamorât de sô tiere, il Friûl, e mi à trasmetût l'amôr pes mês lidrîs, pe cognossince dal teritori e dai siei tesaurs (Dree Venier, Giannola Nonino: une rivoluzion partide des lidrîs)
Sin. patrimoni
-
(fig.)
grande cuantitât di alc di biel, bon, positîf:
al fo un nuie butâsi, ancje, un tai braçs di chel altri; e lis mans… un tesaur di cjarecis (Maria Forte, La tiere di Lansing)
Polirematichis e espressions idiomatichis
Proverbis:
- e vâl plui une ploie te sô stagjon che no un tesaur buzaron
- il plui biel tesaur e je la salût
- la pale e à la ponte di aur parcè che la tiere vergjine e je un tesaur
