teritoriâl
te|ri|to|ri|âl
[FO]
-
adi.
che al caraterize, che al à a ce fâ, che al à di riferiment il teritori o un ciert teritori, une cierte regjon:
cognossi che intune determinade comunitât teritoriâl a son plui lenghis al vûl dî cjapâ plui cussience di se, di chei altris e de realtât li che si vîf (Marc Stolf, Minorancis linguistichis);
il furlan nol è un dialet dal sisteme dai dialets talians, ma al à i siei dialets, come che il sloven des valadis dal Nadison al è une variante teritoriâl de lenghe slovene (Adrian Cescje, Memoriis di politiche linguistiche);
la «nazion» e je par sô nature espansioniste, impastade di ambizions teritoriâls, voltade par difûr: e je in se stesse un strument di vuere (Josef Marchet, Europe regjonaliste)
Sin. regjonâl
, locâl
Var. tiritoriâl
-
s.f.
[TS]
stor., milit.
viôt vuardie teritoriâl
:
al jere di lâ a Cjasarse cu la teritoriâl a vuardeâ il puint dal Tiliment (Alan Brusini, Chei di Cjasarse)