temperâ
tem|pe|râ
[CO, TS]
-
v.tr.
enol.
sbassâ la gradazion dal vin o di un altri alcolic slungjantlu cu la aghe:
fait come che us dîs jo, bevit cun fleme, / che se par câs l'ustîr no lu tempere, / e cjaparês des balis di gnûf coni (Pieri Çorut, La sdrondenade in Autun)
-
v.tr.
metal.
disfredâ une vore in curt un metal, pal solit metint il materiâl une vore cjalt ta la aghe o tune soluzion, in mût di dâi ciertis carateristichis mecanichis:
il scugjelin al ven tirât abàs soltant nel câs straordenari, cuant che al è di temperâ da gnôf (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera);
"[...] ur fâs ben viodi, jo, cemût che si tempere! Jo o ai imparât a fâlu su cualsisei açâl [...]" (Roberto Ongaro, Il muc)
-
v.tr.
[BF]
spiçâ la ponte di un lapis o di un altri strument di scrivi:
une volte che dopravin lis penis di ocje par scrivi, bisugnave savê temperâlis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. spiçâ
-
v.tr.
gastr.
scjaldâ la cjocolate e fâle disfredâ a temperaduris precisis, in maniere di dâi la struture cristaline miôr
-
v.tr.
(fig.)
fâ deventâ fuart, resistent, pazient e v.i.:
temperant cu la scuele dal dolôr il popul di chescj paîs, lu faserin deventâ chel che ancjemò vuê al è: un popul salt e dûr come il cret des sôs monts (Roberto Ongaro, Il muc)