tecnic
/-è-/
te|cnic
[FO]
-
adi.
de part pratiche di une art o ativitât:
[fâ une relazion teoriche] i varès robât timp ae produzion di risultâts tant tecnics che economics (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
un grum di bravis personis che a àn il cjâf a puest e lis ideis netis sul cont dal ordenament autonomistic, ma ur mancje une vere preparazion tecniche (Josef Marchet, Fûr cui che i tocje)
Sin. specialistic
Var. tenic
-
s.m.
cui che al à une specializazion pratiche, aplicade:
il tecnic si metè di impegn e al provà [di vierzi la cassefuart] cun fiers, clâfs, furducjis, ramondins, atrabolics: nuie ce fâ (Antoni Beline, Pre Pitin);
l'Ospedâl di Udin al vuide la organizazion logjistiche di une colone di oms, tecnics, struments che si dimostraran indispensabii tai prins dîs di emergjence [dal taramot de Irpinie] (Angelo Floramo, Cuintristorie dal Nûfcent 1980-1990)
-
adi.
che al viôt de metude in vore di progjets, lavôrs, ativitâts:
il gno al jere nome un incaric esploratîf, un lavôr di archivi o pôc di plui. Cjapâ sù notiziis tai uficis tecnics dai comuns (Alan Brusini, Gian Paolo Linda, I forescj)
-
adi., s.m.
che, cui che al à une competence specifiche:
jo no soi tecnic, ni o vuei insegnâ ai tecnics, ma o prei il Signôr, che cui che al dopre lis tecnologjiis di vuê, cui che al dopre i propis studis nol dismentei mai la sapience, chel bon sens, chê savietât umane rispietose des regulis de nature che a son regulis plui grandis di nô (Roman Michelot, Tiliment o vascjons?)
Sin. competent
, espert
, pratic
, specialist
-
adi.
carateristic di une ativitât:
o scomençai a interessâmi, cjapant in man il manualut, une vore interessant, di M. Brozzi sui tiermins tecnics de archeologjie (Lucio Perès, Une lance longobarde cjatade a Baracêt);
par comprâ i argagns tecnics [de radio] e paiâ i prins mês di afit i fondadôrs a vevin tirât fûr di lôr sachete i bêçs che a coventavin (Max Mauro, Un Friûl difarent: i 90 mhz di Onde Furlane)
Sin. specialistic
-
s.m.
[TS]
sport
cui che al selezione i zuiadôrs des scuadris sportivis e ju prepare pes garis:
te ultime partide in cjase, il public al à saludât il tecnic Marino cun tant afiet (Christian Romanin, Dino Zoff: «O vin lidrîs buinis, o vin di tignîlis di cont»)
-
adi., s.m.
[TS]
sport
viôt fal tecnic
-
adi., s.m.
[TS]
scol.
viôt istitût tecnic