ta
ta
[FO]
-
prep.
(var.)
viôt in
, tes formis articoladis si cjate in alternance libare cu lis formis di "in", te forme no articolade, simpri in alternance cun "in", si cjate dome devant di dimostratîfs, indefinîts, interogatîfs, numerâi:
ogni gnot al vignive un burlaç e un frêt di cricâ, e tal doman suiâsi tal soreli che al scotave (Alan Brusini, I ribei);
ogni tant al sgarfave tune sachete, al tirave fûr une cjiche e le impiave (Maria Forte, Il bal spisimât des ombrenis);
in chê sere si jere ta chê sale (Agnul di Spere, Visâsi di chel puint radio);
ma ta chel i miei pinsîrs a forin fermâts di un grant rumôr metalic (Checo Tam, Sense);
Ma nô furlans, ce jentrìno ta cheste facende? (Riedo Pup, Portus Naonis docet);
se ta chê musis blancji e rosa / a lûs chel ridi, chel, e no n altri, / chel fâ luturan e dolissious, / a è parsè che a son di ca, da la Alta!, / nassûts ta chiscju puôrs paîs (Pier Paolo Pasolini, Viers Pordenon e il mont);
chê bancje a riduès dal mûr, compagne ta ducj i puescj dulà che al è un fogolâr (Roberto Ongaro, Il muc);
ta ogni contest de vite sociâl (Donato Toffoli, Relazion dal Grup di lavôr "Planificazion linguistiche");
une robe parele Laurinç no le veve viodude mai, ta nissune stazion di ferade di nissun paîs (Agnul di Spere, La scjate rosse);
ma ca, tal fonts dai cjamps, spierdûts ta cuatri cjasis fumulis, ta un bûs dal Friûl, coma faia il Signour a impensâsi di nû? (Pier Paolo Pasolini, I Turcs tal Friûl);
al tache a domandâ dulà che o sin, ta ce paîs che o sin (Stiefin Morat, Donald dal Tiliment)
Cfr. inta