sudâ
su|dâ
[AF]
-
v.intr., v.tr.
fâ vignî fûr licuit su la superficie de piel, pal solit par vie dal cjalt o de fadie, par sbassâ la temperadure dal cuarp:
nol podeve plui resisti dal cjalt e al sudave dute la gnot (Pieri Menis, La setemane rosse);
il Vuarp, simpri sentât suntune siele taiade a manarie di man, al fumave saldo, che, scuasit, al sudave bago di pipe, fûr de piel tombadice (Maria Forte, La rive di Sant Pieri);
mi à tacât un grant dolôr e no rivavi a respirâ e o sudavi (Mario Beltramini, Jo e Graziella)
-
v.intr., v.tr.
fâ fadie, otignî cun tante fadie:
ognidun dai partîts al scuen scombati, spindi e sudâ par tirâ de sô bande i eletôrs (Josef Marchet, Votazions regjonâls);
che son culì trê mês / che o sudi e che o lavori come un cjan / par implantâ i pronostics del gnûf an; / ma par tant che o capìs, sudi dibant (Pieri Çorut, Il Strolic furlan par l'an 1851)
Sin. sudorâ
, sfadiâ
-
v.intr., v.tr.
ancje di superficie no corporie, fâ vignî sù aghe o cualchi altri licuit o jessi cuvierte di aghe o di cualchi altri licuit:
nissun nol fâs un pas plui incà sun chei mûrs za mieçs scotâts. E li breis i sudin sot i pîts [par vie dal fûc che al bruse la cjase] (Dolfo Zorzut, No je plui vive);
sore sere lis ramis dai barcons a sudavin di clip (Dino Virgili, La aghe da pît la cleve)
Polirematichis e espressions idiomatichis
Proverbis:
- al è miôr sudâ che no tossi
- benedets i bêçs che si sude di bessôi
- cui che nol sude nol à robe
- i ûfs fraits no sudin mai
- miôr sudâ che no tossi
- miôr sudâ che no tremâ