Dizionari de Lenghe Furlane

substrât  subs|trât  [CO, TS]

1. s.m. sient. strât che al è sot di un altri
   Sin. sostrât
2. s.m. ling. lenghe che e jere fevelade di une popolazion, che e je stade sostituide ma che e à lassât usmis te lenghe rivade dopo:  il Friûl al tignì la sô lenghe neolatine cul substrât celtic (Agnul di Spere, Grau)
3. s.m. gjeol. fasse gjeologjiche che e je sot di chel che si calcole strât
4. s.m. anat., neurol. complès di neurons che a tegnin sù une cierte funzion:  la empatie e la compassion, come ducj i sintiments umans, a àn un substrât neurâl (Franc Fari, Neurosiencis dal dolôr)
5. s.m. med., biol. supuart di materiâl che al covente par fâ cressi une cierte culture:  Eli Lilly, zontant dai precursôrs adats tal substrât de fermentazion, e rive a otignî la peniciline V (Romano Locci, La discuvierte dai antibiotics. Peniciline: l'antibiotic che al à stentât a nassi)
   Cfr. teren¹
6. s.m. (fig.) strât profont, nivel profont te storie, te culture, te sensibilitât e v.i.:  lidrîs che a rivavin fintremai tal plui atavic substrât da nestre culture […] (Mauro Della Schiava, Storie dal taramot platade, Igor Londero: "La storiografie e varès di jessi une arme par dreçâ tuarts")