Dizionari de Lenghe Furlane

su lis spadulis    [CO]

1. loc.av. parsore de part alte de schene o de articolazion dai braçs cul bust:  lis pleis dal vistît simpri dretis e stucadis, e il mant sglonf che dal cjâf i colave su lis spadulis e si strenzeve su la vite (Maria Forte, Il Bide di Miot); i doi oms si son metûts in viaç cu la lôr cjarie su lis spadulis (Pieri Menis, Funerâl a Pâl Piçul)
   Sin. su lis spalis
2. loc.av. (fig.) parsore di se tant che responsabilitât, impegn, colpe, sensazion e v.i.:  dal 1986, al mûr pre Checo e la cjame [di voltâ la Biblie], dute interie, i reste su lis spadulis di pre Antoni (Roman Michelot, Une glesie incjarnade); "O ai maluserie… vuê o ai sintût a pesâmi i agns su lis spadulis. O ce brute robe sintîsi a vignî viei di colp! …" (Dino Virgili, La aghe da pît la cleve)
   Sin. su lis spalis , su la schene , su la gobe

Components:

• spadule s.f.