stele polâr
[CO, TS]
-
loc.s.f.
astron.
stele che e à une posizion che e corispuint plui o mancul ae proiezion dal as terestri e che si pues cjapâ tant che riferiment pal Nord astronomic tal emisferi setentrionâl e pal Sud astronomic tal emisferi meridionâl:
la stele polâr o tramontane, çoè la stele plui basse di chês siet che formin la costelazion che si clame orsa minôr (Giuseppe Ferdinando del Torre, Il contadinel. Lunari par l'an 1858);
la peraule "setentrion" e ven dal latin septem triones, lis siet stelis dal Cjâr Piçul, dongje de stele polâr, ven a stâi a Nord (Nando Patat, Archeoastronomie in Friûl)
Sin. stele tramontane
-
loc.s.f.
(fig.)
pont di riferiment:
la culture di vuê e je, sot cierts aspiets, malade, par vie che e fâs de sensibilitât la uniche stele polâr dai siei compuartaments (Antonella Lanfrit, I furlans devant de imigrazion)
Sin. stele tramontane
Components: