stazion
/-òn/
sta|zi|on
[FO]
-
s.f.
complès dai implants, des costruzions e dai servizis che a coventin pai mieçs di traspuart e pai viazadôrs che a partissin e che a rivin:
il tren al rivà te stazion cuntun intart di uns dîs minûts (Agnul di Spere, In viaç di domenie);
une dì Toni si cjate in stazion des corieris a Udin e su la bancjine dongje de sô cui ti viodial? La fantate more! (Checo Tam, Puiesis)
-
s.f.
struture o localitât cun funzions specifichis di servizi e di interès:
la prime stazion turistiche de Cjargne e nassè in vie uficiâl tal paîs di Ravasclêt cu la creazion de Aziende autonome locâl (Mauro Pascolini, Andrea Guaran, La mont furlane)
-
s.f.
lit.
ognidune des cutuardis rapresentazions iconografichis de passion di Crist, che denant si ferme la procession dai fedêi in preiere:
al ere ancje un pitôr che al piturave su li muradis da li stazions da la Via Crucis il Signôr in crous (Popolâr - Istitût di Ricercje Achil Telin, La siore in blanc - Tiaris di Cjanâl dal Fier)
Sin. stazion dal Calvari
, capitel
-
s.f.
[TS]
tecn.
ognidun dai implants par mandâ un segnâl di telecomunicazion:
I prins panei FV [fotovoltaics] a son stâts metûts cuintri soreli par cjariâ batariis eletrochimichis in stazions radio in lûcs cence corint di rêt (Lorenzo Marcolini, Lis celis organichis nanostruturadis)
-
canâl radiofonic o televisîf:
Checut al zire la manopule. Si è sintonizât suntune stazion foreste. E je une biele cjançon (Checo Tam, Beromünster e Monteceneri);
e veve vulût lâ a bevi il cafè tal tinel, denant dal televisôr impiât suntune stazion che e trasmeteve il notiziari (Mario De Apollonia, Il timp par ledrôs)
Sin. canâl
-
s.f.
[TS]
paletnol.
sît di abitazion umane in ete preistoriche:
une des stazions dal Paleolitic superiôr plui impuartantis dal Friûl e je dal sigûr chê dal Plan dal Cjaval (Andrea Pessina, Gaetano Vinciguerra, La preistorie in Friûl)
-
s.f.
[TS]
stor.
presidi tal teritori dominât dai romans, che al deve la pussibilitât di fermâsi, di polsâ, di cambiâ cjavai:
e fo implantade une rêt di stradis e su lis stradis a nasserin lis borgadis e lis «stazions» (Josef Marchet, Cuintristorie dal Friûl fin sot la Italie)