stampât
stam|pât
[AF]
-
p.pass., adi.
viôt stampâ
, viôt stampâsi
-
adi.
scrit o produsût cu la stampe:
e ricêf il modul za pront, cu la cifre za stampade (Riedo Pup, Par paiâ al vûl mistîr);
o ai viodude cheste scrite stampade su lis maiutis (Dree Valcic, Une gnove sentinele di Italie al puest de nestre autonomie)
-
adi.
che al è risultât di une pression, che al reste tant che segn visibil:
si voltave a viodi lis sôs talpadis stampadis par tiere (Cristina Noacco, Faliscjis)
-
(fig.)
che al à un efiet profont, che al reste fis:
e veve stampade inte memorie la dì che a Berto i jere rivade la cartuline di riclamât (Gianni Gregoricchio, Trê feminis)
-
(fig.)
che si viôt a clâr:
a la fin a jerin saltâts fûr profitant di un moment di recuie cu la muart stampade in muse! (Checo Tam, La trombe)
-
s.m.
sfuei o fassicul produsût a stampe:
altris ativitâts di podê fâ: publicazion di stampâts - gjornâi, libris, opuscui - cors di lenghe, mostris, ricercjis […] (Max Mauro, Un Friûl difarent: i 90 mhz di Onde Furlane)
-
adi., s.m.
caratar di scriture tipic de stampe, ancje fat a man, ma no in corsîf:
il non al jere scrit in stampât tal banc cuntune ene sole e ancje chê cui pîts par aiar (Dino Virgili, Emme come mamma)
Sin. stampatel
-
s.m.
tiessût li che a son decorazions fatis a stampe