spiete
/-iè-/
spie|te
[AF]
-
s.f.
il spietâ, il timp che si spiete:
dîs e zornadis te ligrie de spiete e tal lambic de seneosetât [che al nassès il frut] (Dino Virgili, La aghe da pît la cleve);
la spiete e començave une vore adore. Za vie pal Istât, in cjase, si tacave a fevelâ di Sante Catarine (Riedo Pup, I furlans e Sante Catarine)
-
s.f.
spec. tal pl., ce che si previôt, che si spere, che si vûl pal avignî:
une classe politiche e aministrative […] in grât di interpretâ e trasformâ in fats reâi lis spietis di fonde dal teritori (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
Cfr. spere2
, sperance
-
s.f.
[TS]
eletron., tecn.
cundizion di un dispositîf, di un machinari e v.i. che nol è in vore ma nol è distudât dal dut e che al pues jessi inviât in curt
Sin. stand-by
-
s.f.
[TS]
burocr.
sospension temporanie dal oblic di servizi di lavôr di bande dal lavoradôr dipendent
Proverbis:
- spiete bo che la jerbe e cres
- spiete che intant al creparà il mus o il peçotâr
- spiete cjaval che la jerbe e cres