spaline
/-ì-/
spa|li|ne
[CO, TS]
-
s.f.
sart., vist.
striche avonde fine di tiessût, ancje elasticizât, che al passe parsore de spale e che al da dongje il denant e il daûr di canotieris, rezipets, vistîts di femine e v.i.:
al è dut un cori cori pas ultimis robis: la ritocjade di truc, une spaline dal vistît di sistemâ (Gloria Angeli, Il Strolic furlan pal 2012)
-
s.f.
sart., vist.
decorazion, in gjenar di monturis militârs, che si met parsore des spalis de gjachete o de cjamese:
balinâ pal paîs a mostrâ la monture cu lis spalinis coloradis (Alan Brusini, Par stradis lungjis);
sui militârs no si sbalie: baste cjalâ la scufe o lis spalinis, e si sa trop che a valin (Riedo Pup, Moris di baraç - Il Strolic furlan pal 1965)
-
s.f.
sart., vist.
imbotidure che si met tes spalis di une gjachete o di une cjamese
-
s.f.
striche avonde largje, pal solit imbotide, che si poie parsore de spale par tignî sù russacs, cramis e v.i.:
tune sacoce come che si usave une volte e come che a fasin tancj ancje vuê, di tignîle su la schene cun dôs spalinis (Meni Ucel, La biciclete)
Sin. braçadorie
-
s.f.
ognidune des dôs fassis o cenglis, che a passavin tor des spalis, di une sorte di brene doprade par judâ a stâ sù i fruts che a imparavin a cjaminâ
Sin. braçadorie