spalancâ
spa|lan|câ
[AF]
-
v.tr.
vierzi une vore, vierzi dal dut:
al va viers il barcon, lu sburte e lu spalanche, un rai di lune al jentre (Pieri Somede dai Marcs, Vilie di Nadâl (teatri));
comari Jacume e spalancà tante di bocje: "Sêso mate o deventaiso?" (Luigi Gortani, La ospitalitât);
al spalancà la valîs e i butave su la taule zumielis di bêçs (Dino Virgili, La aghe da pît la cleve)
-
v.tr.
(fig.)
ufrî une pussibilitât, une prospetive o sim.:
veglis di lancûr, dopo, co chel pinsîr fer al spalanche monts impussibii tal cuadri stret dai mûrs, e une smanie seneose di robis discognossudis (Dino Virgili, La aghe da pît la cleve)
Sin. vierzi
Proverbis:
- a chei che ur sierin la puarte, il Signôr ur spalanche il puarton
- cuant che dutis lis puartis a son sieradis, si spalanche il puarton
- spalancâ i voi parsore il ben, sierâ un voli parsore il mâl