spade
spa|de
[AF]
-
s.f.
arme blancje, di tignî cuntune man o cun dutis dôs, cu la lame drete e lungje, par ferî di tai e di ponte:
il duel al sarà cu la spade e al ultin sanc (Pierluigi Visintin, Friûl e furlans te Histoire de ma vie di Giacomo Casanova);
al le al comant imperiâl a consegnâ la sô spade, ma li i diserin che al podeve tignîle, stant che al si jere compuartât cun onôr (Giovanni Pillinini, Zuan Batiste Cavedalis - Une vite esemplâr)
-
il podê, la autoritât militâr o des fuarcis armadis:
al mostrà chel stes calôr e chê stesse fuarce tal guvier spirituâl e temporâl dal patriarcjât: il pastorâl e la spade i stevin ben in man, cence diference (Josef Marchet, Cuintristorie dal Friûl fin sot la Italie)
-
s.f.
[TS]
sport
arme e specialitât de scherme li che i colps a puedin lâ a tocja cualsisei part dal cuarp:
Mara Navarria e à vinçût il titul mondiâl pe spade individuâl (Marc Stolf, Mara Navarria e vinç i mondiâi di spade. Friûl di aur ancje in Cine)
Cfr. floret
, sable
-
s.f.
[TS]
zûcs
un dai pâi des cjartis di zuiâ, dongje di denâr, cope e baston:
eco… un, doi, trê… benon… trê di spade… (Pieri Somede dai Marcs, Ursule)
-
s.f.
tecn.
aste di len che in cualchi telâr mecanic e covente par lançâ la navete
-
s.f.
[CO, TS]
bot.com.
plante ornamentâl e rose dal gjenar Gladiolus:
chi mi sint a cjase e gjolt a viodi lis lûs e lis rosis ator ator di me (cjale po, chest an sclopons no spadis, ma mi plasin istès) (Sara Maieron, Pinsîrs di un sant);
a sflorissin i zîs e lis calis parmìs dai fossâi, iris e spadis tai zardins (Mario Martinis, Il grant lunari dal Friûl. Jugn)
Sin. coculute di prât
, rose di nole
, rose di sant Zuan
Polirematichis e espressions idiomatichis
Proverbis:
- cugnadis spadis, parincj sarpints
- cui che al ferìs di spade, al perìs di spade
- il timp nol puarte spade
- ind cope plui la lenghe che no la spade
- ind mace plui la gole che no la spade
- la lenghe e je la spade des feminis