sot coç
[CO]
-
loc.av., loc.adi.inv.
cui voi in sfese o cul cjâf un pôc sbassât di mût che la cjalade e passe juste sot i ceis:
sant Pieri al de une cjalade sot coç [al Signôr], par viodi se propit al diseve pardabon (Catarine Percude, Lis âfs);
ducj i aventôrs la cjalin sot coç, ma tasin (Dolfo Zorzut, El miluç di aur)
Sin. di sot coç
, sot voli
-
loc.av., loc.adi.
ancje di ridade o altre espression, fate in maniere un pôc stratignude, un pôc platade:
«Viodistu Gurin che intant che lui al sune culì, la femine a cjase cuissà ce che cumbine!». E jù a ridi sot coç tant che doi ladrons (Alan Brusini, Al Macalè);
cui crodevino di jessi? Cjalantsi l'un la altre a riduçavin sot coç. Jerie creance chê? (Pieri Menis, Il «pigjama»)
Sin. di sot coç
Components:
-
coç
-
sot
prep., av., adi.inv., s.m.sing.