sloven
/-èn/
slo|ven
[FO]
-
adi.
de Slovenie:
il WWF, invezit, al à tornât a domandâ aes autoritâts slovenis di meti a disposizion di chês talianis i siei programs nucleârs (Redazion Radio Onde Furlane, Ancje pe ARPA nissune fughe radioative di Krško)
-
adi., s.m.
che, cui che al è nassût o che al è a stâ in Slovenie o che al è dal grup etnolinguistic sloven:
si jentre te cuiete tiere di Sclavanie, là che, di plui di mil agns incà, une comunitât di slovens e vîf a taco dai furlans (Josef Cjargnel, La regjine dal Landri);
Tite Cuc al jere fi di une ongjarese, là di Munin e jere lade a marît une slovene, Gjenio Fachin al veve morosât a Bucarest, il diretôr dal «Cotonificio» al jere un svuizar (Riedo Pup, I furlans e il razisim)
-
adi., s.m.
[FO, TS]
ling.
lenghe dal grup slâf meridionâl, uficiâl in Slovenie e fevelade tant che lenghe proprie ancje te fasse orientâl dal Friûl:
il vescul di Udin Nuiâr […] al improibì di doprâ il sloven ai predis de Sclavanie, e da part sô la Filologjiche e cirî di restâ in vite cul fin di judâ la Italie a fâ deventâ talians ancje i furlans (Francesc Placerean, Cuintristorie dal Friûl dal 1866 fint in dì di vuê);
Flaipan, Sante Marie Madalene, Cret e po ducj chei altri borguts e paisuts di chês monts che a dismontavin te val de Tor a fevelavin sloven e, che ben si sa, ancje furlan (Adrian Cescje, Memoriis di politiche linguistiche)
Sin. sclâf2
, slâf iper.