slontanament
/-ènt/
slon|ta|na|ment
[CO]
-
s.m.
il lâ o il mandâ lontan o plui lontan tal spazi, o ancje tal timp, tai leams personâi, tes conessions logjichis e v.i.:
al è chest il prin telâr dal pinsîr telinian, che si mantignarà ancje daspò dal slontanament dal Friûl par motîfs personâi (Donato Toffoli, Il lunari mai jessût - Tellini te prime vuere mondiâl);
il slontanament tra di lôr e il disfredament da lis galassiis (Bepi Zefon, Big Bang o Grant Sclop)
Sin. dislontanament
-
s.m.
il mandâ vie di un puest di vore, di une funzion, di une incjarie, di une associazion e v.i.:
[...] il slontanament di une professore [ebree] di matematiche di une scuele di Udin (Redazion La Patrie dal Friûl, Peraulis pe memorie)
Sin. rimozion
, dislontanament