simbolic
/-ò-/
sim|bo|lic
[CO]
-
adi.
di un simbul, dai simbui, che al à a ce fâ cui simbui, che al comuniche midiant di simbui e v.i.:
un piçul schiç in miniature, cun des figuris simbolichis che no finivi di capî, ma pûr al mi pareve che dovessin vê un cualchi significât (Giovanni Gortani, Trê Rafaei in jerbe);
cualchi volte il messedament di motîfs simbolics jenfri Eracle e Belen al è tant fuart che si pues rivâ ae confusion (Sandri Carrozzo, Jenfri vîfs e muarts)
-
adi.
che al è dome di forme, che nol à sostance, che nol à efiets pratics:
al è il pericul che lis istituzions a vadin indevant a aplicâ politichis linguistichis dome di valôr simbolic (Dree Venier, «La lenghe furlane e sarà sparide in trê gjenerazions se no si fasin intervents decîs». L’alarme di Simone De Cia)
Sin. formâl