formâl
for|mâl
[AF]
-
adi.
de forme, dal aspiet, de maniere di presentâsi o di jessi percepît:
o podìn ipotizâ che i insiums a mantegnin simpri lis stessis carateristichis formâls (Anastasia Fabbro, Franc Fari, Sui insiums di Aelius Aristides: une analisi neuropsicologjiche)
-
[TS]
art, let.
che al rivuarde la forme di une opare di art:
Bronzuts dulà che lis figuris a pierdin la lôr definizion formâl e si svilupin a traviers plans rots e roseâts da la lûs (Bepi Agostinis, Storie de art in Friûl)
-
adi.
dome di forme, no di sostance:
une autonomie aministrative […] che e risultave in pratiche une vore balarine e plui formâl che altri (Josef Marchet, Cuintristorie dal Friûl fin sot la Italie)
-
adi.
esprimût, struturât o davuelt in forme uficiâl:
dal sigûr Popon al à vierte la strade ae invistidure formâl dal Friûl a Siart, ai 3 di Avrîl dal 1077 (Diego Navarria, Patriarcjis fûr dal ordenari);
i comitâts no son une istituzion formâl. A son un trop di oms e di feminis, variabil e viert, che al ven ricognossût de comunitât (Igor Londero, Cuintristorie dal taramot);
o jerin cuvierts di un at formâl dal tribunâl (Christian Romanin, Amato De Monte: Il Friûl, patrie des bataiis di civiltât)
Sin. uficiâl1
-
adi.
di lengaç o ambit comunicatîf, caraterizât di ciertis formis definidis par etichete o par specializazion in comunicazions di nivel alt:
podê avalêsi di ogni funzion de comunicazion, informâl e formâl, ordenarie e istituzionâl o dissiplinâr (Adrian Cescje, Memoriis di politiche linguistiche)
-
adi.
[TS]
filos.
che al rivuarde la forme di un alc, viodude di impuartance primarie rispiet al contignût empiric
-
te filosofie di Kant, de part aprioristiche e universâl di une cognossince
-
[TS]
logj., mat.
de part dal discors che si pues tratâ par un resonament o un calcul che nol dipendi dai significâts