sgrasaiâ
sgra|sa|iâ
[CO]
-
v.intr., v.tr.
tossi o gratâ cul cuel in mût di movi e in câs spudâ il gatar:
"Eh siôr paron! / si è viei, si tos, si sgrasaie, e si sbladacje, / ma simpri salts in gjambe, sangonon." (Pieri Corvat, El cuarantevot);
po dopo Cabule al sgrasaiave par sclarîsi la vôs, al parave jù une clucade di vin, al cjalave par aiar come par cirî la ispirazion... (Dino Virgili, La aghe da pît la cleve)
Sin. sgargaiâ
-
v.intr., v.tr.
fevelâ o dî alc cu la vôs velade dal sgrasai:
"Ti cognòs, ti cognòs" al sgrasaiave cu la vôs grocje (Maria Forte, Il Bulo di Crodio);
"Pensistu a tô mari?!" al sgrasaiave ridaçant un «anzian». I voi dal frut si implenavin di lagrimis (Pieri Menis, Sul agâr)
Sin. sgargaiâ
-
v.intr., v.tr.
soredut di scraçulis, crots e v.i., fâ il lôr tipic viers sglonfant il cuel:
o sint siroc pe nape a businâ / sint il gjal a cjantâ, / la rane a sgrasaiâ (Pieri Çorut, Il Strolic furlan par l'an 1844)
-
ancje di altris bestiis, fâ un sun fuart e gratât:
lis cianis [cialis] a sgrasaiavin come matis sot chel soreli che al inçussive (Lucio Perès, Messe a Sant Zuan)
-
ancje di ogjets inanimâts o elements naturâi, fâ un sun fuart e gratât:
in chel il campanel al veve sgrasaiât (Gianni Gregoricchio, Lilie)