Dizionari de Lenghe Furlane

sfumâ  sfu|mâ  [CO, TS]

1. v.tr. art eseguî un passaç graduâl di un colôr a di un altri o di une intensitât di colôr a di une altre:  al met un dêt dentri te tace che al à denant, un tai di neri o un crichil di bire. E cussì, bagnât, al sfume il dissen che al veve fat prime cu la chine (Valentina Pagani, Cressût cul bosc)
   
   1. mus. eseguî un passaç graduâl di une note a di une altre
2. v.tr. gastr. butâ un licuit, pal solit vin o brût, intune cite li che a son daûr a cuei ingredients di mût che cul cjalt improvîs si svapori ma al lassi savôr te robe di mangjâ e al permeti di reintegrâ te robe di mangjâ particulis brustuladis o caramelizadis:  si bute il rîs, si lu lasse brustulâ par cualchi secont, e si sfume cul vin (Margherita Timeus, Risot "moscatel")
3. v.intr. (ancje fig.) sparî, lâ in nuie:  vin di viodi in un moment sfumâ ogni nestra sperança (Luîs Merlo, Tra parincj)
   Sin. sfumâsi , lâ in fum , lâ in nuie , lâ in sbrui