sfueade1
/-à-/
sfue|a|de
[CO, TS]
-
s.f.
gastr.
paste fate cun farine e altris ingredients, tirade fine e pleade insiemi cun gras, pal solit spongje, di maniere che cueint si formin tantis fueis finis
Sin. paste sfueade
Var. sfueiade1
, sfoiade1
-
preparazion gastronomiche, pal solit paste dolce, fate cun chê paste e cun altris ingredients:
sul finî dal past e je stade puartade in taule une grandiose sfueade cu la creme (Romoletta Cattarossi, Il caratel dal Picolit)
-
s.f.
gastr.
cualsisei paste tirade fine:
si onç la lame dal for cu la spongje, si metii parsore la prime sfueade, po il plen e tal ultin la seonde sfueade (Zuan Nazzi Matalon, Giancarlo Ricci, Il miôr de cusine furlane);
distirâ cul mescul l'impast fin a otignî une sfueade sutile (Erika Adami, Tortei di patatis cun miluçs, formadi salât di Denemonç e semencis di cevole)
