secondari
/-à-/
se|con|da|ri
[AF]
-
adi.
che tun ordin al è tal secont nivel o grât, che al à a ce fâ cul secont grât:
50 insegnants des scuelis de infanzie, primarie e secondarie (Federica Angeli, ARLeF, si siere un cicli)
-
adi.
di seconde impuartance, mancul impuartant di alc altri o di cdn. altri:
i mûrs a cressevin des fondis: di clap chei mestris cui cjantonâi di ciment, di forât chei secondaris (Lucio Perès, Il mâl dal mûr)
Sin. margjinâl
-
che in assolût al à pocje impuartance:
chê e je une cuistion secondarie, che si à simpri timp di risolvi (Josef Marchet, La man e la arme)
Sin. margjinâl
, trascurabil
, di pôc
, di nuie
-
adi.
[TS]
econ.
che al è dal setôr de industrie e de trasformazion:
la economie de provincie di Pordenon e je cualificade di un setôr secondari nobil e diviersificât dulà che e à un puest centrâl l'industrie des manifaturis (Daniela Chersicla, Puart-Pordenon: matrimoni di sest)
-
s.m.
setôr de economie che al à a ce fâ cu la produzion industriâl e cu la trasformazion:
chel che e à di fâ la nestre economie al è di resonâ propit su la saldadure tra il secondari e il terziari, tra servizis e industrie (Linux, Il doman al è tes nestris mans. No je retoriche ma disvilup pes nestris impresis)