scût
scût
[CO]
-
s.m.
arme di difese, formade di une lastre di materiâl dûr che si ten cuntune man o che si fisse tun braç par difindi il cuarp dai colps:
a son stadis cjatadis plui di cent tombis, une vere necropoli che e à pandût une vore di reperts: crôs di aur, umbons di scûts, spadis (Mauro Pascolini, I Langobarts, patrimoni de umanitât e dal Friûl);
i siei soldâts [di Atile], puartant tiere cun scûts e elms, a varessin tirât sù il cuel di Udin (Sandri Carrozzo, Friûl di Magance)
Var. scudi
-
s.m.
(fig.)
cualsisei robe materiâl o imateriâl che e protezi
Sin. ripâr
, protezion
, corace
-
s.m.
[TS]
numism.
monede di origjin medievâl, in principi di aur o di arint, e po monede restade in cors ancje in ete contemporanie in cualchi sisteme monetari:
al jere obleât a vivi cun dusinte scûts ad an. Istès al voleve ufrîmi la cene (Pierluigi Visintin, Friûl e furlans te Histoire de ma vie di Giacomo Casanova)
Proverbis:
- il vin trat e bevût al vâl un scût
- l'ûf fat e bevût al vâl un scût, l'ûf fat e mangjât al vâl un ducât