sbavâ
sba|vâ
[CO]
-
v.intr.
lassâ vignî fûr salive de bocje:
e veve sintût di Anute, de sô crisi, di cemût che e veve voltât i voi e di trop che e sbavave (Raffaele Serafini, Soreli jevât a mont);
al tacà a sbavâ e a rugnâ come un vêr lôf (Renzo Balzan, Liende di lôf)
Sin. sbavacjâ
, bavâ
-
v.tr.
sporcjâ di salive, di bave:
[la cjice] i salte sù robis di ribaltâlu, lu sbave tant che al scugne cori a cambiâsi (Clelia Codarin, L'amôr di Camilla)
Sin. sbavacjâ
, bavâ
-
v.intr., v.tr.
lassâ mucositât o sporcjâ di mucositât ancje se no je salive de bocje:
a saltin fûr come i cais a sbavâ di ca e di là (Pieri Piçul, Vieri e gnûf)
Sin. sbavacjâ
, bavâ
-
v.tr.
(ancje fig.)
fevelâ, pronunziâ lassant colâ bave, soredut di rabie:
po dopo, sostignût de sô femine, al sbavave: "Fâmi a mi chest tuart? [...]" (Gianni Gregoricchio, Îr e doman)