sanitât
sa|ni|tât
[CO]
-
s.f.
il jessi san, in salût, cundizion e cualitât di cui e di ce che al è san:
tornant i doi dîs voltis bevarìn / in sanitât da sacra Maestât (Zomarie Marussig, Tornant i doi dîs voltis bevarìn);
il cleric al à dirit e dovê di sostentâsi, di mangjâ e di bevi tai limits dal lecit e necessari come ducj i zovins in vie di svilup. Pal so ben, pal so ecuilibri psicofisic, pe sô sanitât (Antoni Beline, La fabriche dai predis)
Sin. salût1
-
s.f.
complès des struturis, dal personâl, de organizazion che e viôt di curâ il benstâ psicofisic de coletivitât:
a stan fasint dut un davoi cuintri de gjestion de sanitât regjonâl (Sandri Di Suald, La gjandusse);
il stât talian al à fat une grande riforme de sanitât cu la leç 833 dal 1978 (Moreno Lirutti, Cemût ise di misurâ la "buine sanitât"?)
Cfr. salût1
Proverbis:
- trombe di cûl, sanitât di cuarp: cui che nol trombe al è muart