sîs
sîs
[FO]
-
s.m.
numar naturâl che al ven dopo dal cinc e prime dal siet e segn che al rapresente chel numar:
o vês fat masse i conts, cence l'ostîr! Si divît par sîs! Cheste e je la letare che Bepi al mi a scrit! (Luciano Rocco, La foghere);
Siet… cinc… cinc… sîs… more… (Maria Forte, Il Bulo di Crodio)
Var. sês
-
adi.num., pron.num.
in cuantitât di cinc unitâts plui une, ancje cun valôr sostantivât o cun sostantîf sotintindût:
a son almancul sîs mês che nô e altris o batìn chest cantin (Josef Marchet, Cuarde e savon);
chest cont […] al convinç Casanova a passâ la Sierade te sô cjase a Spesse di Caprive, a sîs miis di Gurize (Pierluigi Visintin, Friûl e furlans te Histoire de ma vie di Giacomo Casanova);
si covin su la spuinde in face, rezint la cuarde e spietant che l'ultin dai sîs […] al jentri intal flum e al traviersi ancje lui (Ivano Urli, Storie di Min)
-
adi.num., s.m.
ancje cun valôr di ordenâl o identificatîf intune serie o intune categorie:
altris articui basilârs [de costituzion], come il sîs, chel des minorancis, ancjemò tal mont de lune come aplicazion (Antoni Beline, Storie e storiis)
Sin. sest
-
s.m., s.m.pl.
seste zornade dal mês:
o podarìn pensâ di tornâ a jevâ il cjâf dopo une bote di chês che o vin cjapadis ai sîs di Mai di chest an, però o vin bisugne di sintîsi simpri plui di jessi un popul cuntune muse clare (Francesc Placerean, Il Friûl taramotât al à bisugne di ducj, ma al à di aministrâsi di bessôl)
-
sest an di un secul
-
s.f.pl.
seste ore daspò de miezegnot:
cori a durmî che doman si à di jevâsi a sîs (AAVV, Sul florî)
Sin. sîs a buinore
, sîs a matine
, sîs di matine
-
seste ore dopo di misdì:
la ultime coriere e partive di Tuieç aes sîs (Alan Brusini, Gian Paolo Linda, I forescj)
Sin. sîs dopodimisì
, sîs di sere
, sîs sore sere
, sîs sot sere
-
s.m.
judizi scolastic che al rispuint a la suficience:
il secont bilietut [di une pene regalade dai scuelârs]: "Cu la sperance che cheste pene e scrivi i numars dal sîs insù!" (Gianni Gregoricchio, Trê feminis)
-
s.m.
cjarte di zûc contrassegnade di un numar sîs o cun sîs elements:
Lussie e veve pescjât la briscule (un sîs di bastons) ma e veve ancje un sîs di spadis in man (Raffaele Serafini, L'as ti cope)
Proverbis:
- cui che al à buine voie di lavorâ, al è plui siôr di cui che al à sîs cjamps di arâ
- cui che al mangje in pîts al mangje par sîs, cui che al mangje in sente al mangje par trente
- cun chel che a mangjin cinc, a mangjin sîs
- dulà che a stan cinc a stan ancje sîs
- i sîs ultins dîs dal an e i sîs prins a palesin i mês
- Sante Catarine o sîs o siet co vigne, spietimi a Sant Tomât che o vignarai cul cjar cjamât