Dizionari de Lenghe Furlane

rivâ pardut    [CO]

1. loc.v. tal sens leterâl, rivâ in ogni lûc, in câs ancje intun spazi limitât:  une lanterne, come chês che in chê volte a dopravin i cjaradôrs di gnot, e ardeve tun cjanton [dal dormitori] cuntune lûs cussì lamie che no rivave pardut (Pieri Menis, La vuere sul Freikofel)
2. loc.v. (fig.) fâ dutis lis robis che a coventin fatis:  "Oh! tant ben che je vignude siore comari, soi stât cumò dongje Miute, ma è li inmatunide che mi fâs pôre… che vegni da spes, che no stei lassânus sôi, Rose e stente a rivâ pardut" (Pieri Somede dai Marcs, Vilie di Nadâl (teatri))
3. loc.v. (fig.) vê podê e rivâ a doprâlu une vore lontan:  la leghe afaristiche e burocratiche e à gramulis di fiar, e à sgrifis lungjis che a rivin pardut (Josef Marchet, Lis predicjis dal muini)

Components:

• pardut av.
• rivâ v.intr., v.tr.