ripuart
/-àrt/
ri|puart
[CO]
-
s.m.
azion di ripuartâ, di puartâ di gnûf o di puartâ indaûr
-
[CO, TS]
venat.
funzion e azion dal cjan che al puarte il salvadi copât al cjaçadôr:
nol jere cricâ dì di Avost che no lu ves cjatât jù pes Marçaiis a cuaiis tes menichis blancjis di agaçon, cul so cjan dut un maneç di ferme e di ripuart (Alan Brusini, Par stradis lungjis)
-
s.m.
[CO, TS]
mat.
in aritmetiche, operazion che si fâs te adizion di numars in colone cuant che la sume dai numars di un ordin e rive o e passe la desene e duncje un numar corispondent al à di jessi ripuartât te colone dal ordin superiôr:
il ripuart de sume al è falât (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
element di un ciert materiâl o di une cierte nature cjapât e aplicât suntun altri materiâl:
un abit di sede cun ripuarts di velût sul denant (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
te piture l'artist al integre, cun ineditis fusions, fruçons di incisions cun ripuarts fotografics (Bepi Agostinis, Storie de art in Friûl)
-
s.m.
petenadure che e cîr di platâ in part la mancjance di cjavei te part alte dal cjâf lassant luncs i cjavei in bande e puartantju parsore
-
s.m.
informazion riferide, ripuartade par vêle sintude e no par savê in maniere direte:
ai ripuarts pôc jo crôt (Zomarie Marussig, Cumò che vieli soi, soi fat scritôr)
-
s.m.
[BF, TS]
dir.
at di denunzie di un reât de bande di un uficiâl public:
[...] in Municipi, dulà che je stade a fâ fâ il ripuart (Vincenzo Luccardi, Florean dal Palaç, III, 33)
Var. rapuart
, repuart
-
s.m.
osservazion critiche, positive o negative, analisi curte che e ripuarte informazions e interpretazions:
se o pues fâi un ripuart a Ganis al è che al taseve masse e al lassave cori (Antoni Beline, Pre Pitin)
Cfr. rapuart