riflession
/-òn/
ri|fle|ssi|on / ri|fle|ssion
[FO]
-
s.f.
azion e risultât dal pensâ e valutâ cun atenzion:
o bandonai il teritori de riflession e de reson, e o tornai a impantanâmi tal palût dal dolôr e de delusion (Carlo Sgorlon, Il dolfin);
in chestis Memoriis o ripuarti bocons di diari e di riflessions che tai agns o vevi metudis jù, massime in ocasion di events che o sintivi impuartants (Adrian Cescje, Memoriis di politiche linguistiche);
al sierà i voi pinsirôs come par stratignî i ricuarts e par grampâ une riflession (Fabian Ros, Il lôf)
Sin. meditazion
, osservazion
, pinsîr
-
s.f.
[TS]
fis.
fenomen fisic li che un flus di lûs, ondis, sun, eletrons e v.i. al ven ribatût di un materiâl, di une superficie e sim:
la riflession no polarizade di bande di superficiis di metal e je leade ae lôr proprietât di jessi materiâi condutôrs (Marisa Michelini, Alberto Stefanel, La polarizazion de lûs)