re1
/-è/
re
[FO]
-
s.m.
cui che al ten la autoritât plui alte intune comunitât politiche indipendente o une vore autonome, titulâr par dute la vite di un podê che nol è assegnât dal popul, ma de sucession ereditarie, de volontât divine, de tradizion, e v.i.:
i prins di Avrîl dal 568 a rivarin a Cividât e li lôr re Alboin al stabilì come duche so nevôt Gjisulf (Josef Marchet, Cuintristorie dal Friûl fin sot la Italie);
un re al veve dome une fie e jê e i voleve ben dome al stalîr. Si volevin tant ben che al jere dibant fâle sposâ cuntun re (Andreina Nicoloso Ciceri, Chê de principine - Racconti popolari friulani I)
Sin. maestât
, monarcje
, sovran
-
s.m.
cui o ce che al à buinis cualitâts o che al è chel miôr, chel plui cognossût, plui preseât e v.i.:
il Rusignûl, il re dai cjantôrs, dopo vê zornât dut il dì, i dâ sot ancje di sere e di gnot (Alan Brusini, Mestris cjantôrs)
-
s.m.
[TS]
zool.
mascli che al è fecont tes coloniis di Isotars
-
s.m.
[TS]
entom.
(impropr.)
âf feconde che e je il riferiment di une famee di âfs:
[lis âfs semenadis] dutis daûr al lôr re, a si tacarin daprûf di un vôl, une parsore la altre, come un grant codâr (Catarine Percude, Lis âfs)
Sin. regjine
-
s.m.
[TS]
zûcs
figure di valôr plui alt dal stes colôr tes cjartis di zûc, de serie di dîs o di tredis:
un doi trê / fant cjaval e re (Zuan Nazzi Matalon, Ottorino Burelli, Sacheburache);
butâ il re di baston
-
s.m.
[TS]
zûcs
toc che tal zûc dai scacs al à il valôr plui alt che e al è l'obietîf de concuiste dai zuiadôrs:
il re al pues movisi in dutis lis direzions […] ma dome une casele par volte (Nilde Teresa Negro, Zuìn di scacs)
Proverbis:
- balçan di trê, cjaval di re; balçan di un, cjaval di nissun
- dulà che nol è nuie il re al piert i siei dirits