Dizionari de Lenghe Furlane

rasât  ra|sât  [CO]

1. p.pass., adi. viôt rasâ , viôt rasâsi
2. adi. di materiâl, superficie e v.i., che al à une forme o che al à il complès di elements che lu formin che a son vualîfs, in plan:  cemût fasevial mo cun chê grampe di malte che, tal tirâle dongje, e jere bielzà scuadrade? E la veve juste batude tal stamp, che e jere za rasade cul archet (Dino Virgili, La aghe da pît la cleve)
   Sin. rassât
   
   1. di un recipient, che al è plen fin tal ôr, o di un contignût, che al rive just e vualîf fin sul ôr o fin a di un ciert nivel:  une sedonute rasade di levan (Margherita Timeus, Un Nadâl dolç dolç cui piçui scaletîrs)
      Sin. râs¹ , rassât
3. adi. di cjaveli, pêl, fibre, fîl di jerbe e v.i., taiât curt curt:  barbe rasade ae perfezion (Margarite Cogôi, Il misteri di Vigji)