pulizie1
/-zì-/
pu|li|zi|e
[AF]
-
s.f.
il jessi net, il no jessi sporc:
al è un biel figurin, / cun ducj complimentôs e fureghin: / e amant de pulizie, / intor l'à simpri biele blancjarie (Pieri Çorut, Il cjan di Catinute);
si dîs che in Austrie e in Svuizare e je plui pulizie e plui ordin che no in Italie (Riedo Pup, Il scudet te sachete)
Sin. netisie
, mondisie
, mondece
-
il jessi pûr dal pont di viste morâl o spirituâl:
la bielece, prin di dut, e à di jessi une pulizie interiôr de anime de persone (Gabriele Zanello, Poz: l'ultin morâr)
-
s.f.
ancje tal pl., azion di netâ, di gjavâ il sporc, il polvar e v.i.:
"Ma no ise Venerande che ven a judâti tai lavôrs di pulizie?" (Arturo Feruglio, In cîl e je une stele!…);
la sabide e stave a cjase a fâ un pocje di pulizie (Pieri Somede dai Marcs, Caritât);
Siore Catine di Foscje e jere dal infalibil in glesie pes puliziis di Pasche (Alan Brusini, Amîs come prime)
-
s.f.
soredut te espression artistiche o tecniche, il jessi essenziâl, lineâr e coerent:
ognidun al pues viodi su chescj sfueis, scrits inte grafie normalizade, la semplicitât, la coerence e la pulizie de gnove grafie (Adrian Cescje, Memoriis di politiche linguistiche)