professionâl
pro|fe|ssi|o|nâl
[FO]
-
adi.
de profession, dal lavôr, che al covente, al prepare, al tocje, al derive e v.i. de ativitât lavorative che si fâs:
risultâts tecnics determinants a podaran vignî dome cu la cressite professionâl dai operadôrs linguistics, che e pues lâ indevant dome intune clime di stabilitât ocupazionâl (Linda Picco, Sandri Carrozzo, Efiets economics e ocupazionâi des leçs di tutele de lenghe furlane);
la Universitât dal Friûl che e veve di permeti ai nestris zovins di studiâ e di formâ la classe professionâl e dirigjente di cheste tiere le vin otignude (Adrian Cescje, Tal non di Fausto Schiavi);
personis crodibilis par cualitâts personâls e capacitâts professionâls (Sergio Cecotti, Il risultât eletorâl dai partîts di identitât teritoriâl - A case study: Scottish National Party);
cariere, sodisfazions professionâls e interès economics a forin metûts in bande di front a la fuarce dai sintiments (Giovanni Pillinini, Zuan Batiste Cavedalis - Une vite esemplâr)
Sin. lavoratîf
-
adi.
di cdn. o di un compuartament, competent, seri e puntuâl:
i eri doventât plui professionâl. No che prime no fos professionâl, ma… no sai cemout spiegâ: cumò i eri simpri professionâl. Mi lavavi i dincj e mi sintivi professionâl, […], i puartavi a cjase une frute e mi sintivi professionâl. Dut professionâl (Stiefin Morat, Kebar krossè)
-
adi.
di alc, fat di o par professioniscj esperts e duncje di alte cualitât:
dâ continuitât ae produzion di tescj e di spetacui teatrâi professionâi (Donato Toffoli, Relazion dal Grup di lavôr "Planificazion linguistiche")