Dizionari de Lenghe Furlane

princip  /prì-/  prin|cip  [AF]

1. s.m. cui che al à il domini monarchic suntun teritori, jessint la autoritât plui alte o vint di rispuindi, te Ete di Mieç, dome al imperadôr:  [lis Comunitâts dal Friûl] no si formarin di bessolis a dispiet dal patriarcje lôr princip, no forin, par lôr nature, in contrast cu la sô autoritât (Josef Marchet, Cuintristorie dal Friûl fin sot la Italie); jessi simpri fedêi e ubidients a Sô Maestât Serenissim nestri Princip e Siôr Ferdinant Prin, Imperadôr di Austria, Re di Ongjaria, di Boemia, […] (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
   Sin. sovran
2. s.m. fi di re, fi di un monarcje, sucessôr ricognossût intune monarchie:  la fin dal ream langobart e je cognossude: tal 774 i francs, cun re Carli, clamâts dal pape, a vincin Desideri e a oblein il princip Adalgjîs (Adelchi) a lâ in esili (Sandri Carrozzo, L'indipendentist langobart)
   
   1. ancje tant che figure intes contis e intes flabis:  une dì al passà di chê bande a cjaval un princip zovin, e biel ce che a si po dî (Luigi Gortani, La fie e la fiastre); il re al clame ducj i princips e rês, e al fâs une grande fieste, e ju fâs passâ denant dal frut (Andreina Nicoloso Ciceri, Maletegne - Racconti popolari friulani I)
3. s.m. (fig., ancje iron.) cui che al à une grande autoritât e al è une vore stimât intun grup, intune comunitât, dulà che al passe par sei il miôr di ducj:  il princip dai tabaiots di Rome (Josef Marchet, Che al crepi il strolic)
   Sin. re¹

Polirematichis e espressions idiomatichis

• princip ereditari loc.s.m.

Proverbis:

• al è miôr jessi puars e benvolûts che no princips e malvolûts
• al è miôr sei puar splantât che no princip mâl cjalât